Баянхонгор аймагт ингэ ихэрлэжээ

Баянхонгор аймгийн Баянлиг сумын малчин Л.Хүрэлтогоо, Н.Мөнхтөр нарын хоёр ингэ энэ сарын 23, 26-ны өдрүүдэд ихэр ботго гаргажээ. Л.Хүрэлтогоогийнх 110 тэмээтэй бол Н.Мөнхтөрийнх 225 тэмээтэй юм байна. Хүнс, хөдөө аж ахуйн яамнаас мэдээлснээр Баянхонгор аймагт сүүлийн гурван жил дараалан ингэ ихэрлэжээ. Энэ онд Баянхонгор аймгийн хэмжээнд нийт 1.4 сая орчим толгой мал төллөх төлөвтэй байгаа юм. Үүнээс өнөөдрийн байдлаар 12 хувь нь буюу 140 гаруй мянган толгой мал төллөөд байна.