Баянхонгорын 4 мянга орчим хэрэглэгчийг тасралтгүй, найдвартай цахилгаан эрчим хүчээр хангах боломж бүрдүүллээ
Баянхонгор аймгийн 4 мянга орчим хэрэглэгчийг хүчдэлийн уналт багатай тасралтгүй, найдвартай цахилгаан эрчим хүчээр хангах боломжийг бүрдүүлээд байна
Мэдээллийн алба
2021-2022 оны өвөлжилтийн бэлтгэл хангах ажлын хүрээнд “Цахилгаан дамжуулах үндэсний сүлжээ” ТӨХК өөрсдийн нөөц бололцоонд тулгуурлан 110/35/6 кВ-ын “Баянхонгор” дэд станцын 110/6 кВ-ын 2.5 МВА хүчин чадалтай трансформаторыг 110/10 кВ-ын 10 МВА хүчин чадалтай трансформатороор солих ажлыг 2021 оны 09 дүгээр сард хийж гүйцэтгэсэн.
Тус өргөтгөлийн ажилтай холбогдуулан түгээх сүлжээний хувьд 6 кВ-ын Хөх толгой, Полигон фидерийн 6/0.4 кВ-ын 26 ком дэд станцын хүчдэлийн түвшинг 10 кВ-д шилжүүлэх ажлыг 2021 оны 10 дугаар сарын 16, 20-ны өдрүүдэд “Баянхонгор Эрчим хүч” ЦТ ХХК хийж гүйцэтгэсэн.
Ингэснээр тус аймгийн 4 мянга орчим хэрэглэгчийг хүчдэлийн уналт багатай тасралтгүй, найдвартай цахилгаан эрчим хүчээр хангах боломжийг бүрдүүлээд байнагэж Монгол Улсын Эрчим хүчний яамнаас мэдээллээ.
