Баярын хурал “600 студи“-д боллоо

Монгол улсад өргөн нэвтрүүлгийн салбар үүсч хөгжсний 46 жилийн ойн баярын хурал боллоо. Мөн МҮОНРТ-ийн нээлттэй хаалганы өдөрлөг тохиож олны хөл хөдөлгөөнтэй өдөр болсон юм. Энэ түүхэн өдөр баярын хурлаараа уран бүтээлчид алдаа, оноо, ололт амжилтаа хуваалцсан бөгөөд Радио телевизийн “Тэргүүний ажилтан” цол тэмдэгээр Д.Бямбацэцэг, Г.Отгонжаргал, Ч.Батгэрэл, С.Батзаяа, Соёлын тэргүүний ажилтан цол тэмдэгээр М.Наранбаатар, С.Сүхбаатар, Радио телевизийн “Хүндэт жуух” Б.Дөлгөөнтамир, баярын бичиг мөнгөн шагналаар ажлын амжилтаараа хамт олноосоо шалгарсан 16 ажилтан тус тус шагнагдсан юм.