Баярын өдрүүдэд 245 гэмт хэрэг гарчээ

Баярын болоод амралтын өдрүүдэд 245 гэмт хэрэг гарсан гэж Цагдаагийн байгууллагаас мэдээллээ. Тодруулбал, хулгайн 133 хэрэг, танхайн 22 гэмт хэргийг цагдаагийн албан хаагчид илрүүлсэн байна. Мөн архи согтууруулах ундаа хэтрүүлэн хэрэглэсний улмаас хүний биед гэмтэл учруулсан цөөнгүй хэрэг гарсан гэж Цагдаагийн ерөнхий газрын Хэвлэл мэдээллийн төвийн ахлах мэргэжилтэн, Цагдаагийн ахмад Ё.Лхагвасүрэн хэллээ.