Баярын өдрүүдэд авто замын хилийн боомтууд амарна

Хөрш орнуудтай байгуулсан Засгийн газар хоорондын хэлэлцээр, түүнд оруулсан өөрчлөлтийг дипломат шугамаар тохиролцсоны дагуу авто замын хилийн боомтууд албан ёсны баярын өдрүүдэд амарна. Тодруулбал, маргааш буюу энэ сарын 29-ний өдөр тохиож байгаа Монгол Улсын үндэсний эрх чөлөө, тусгаар тогтнолоо сэргээсний баяр болон нэгдүгээр сарын 1-ний өдөр Замын-Үүд, Шивээхүрэн, Гашуунсухайт, Ханги, Бичигт, Булган, Хавирга, Бургастай гэсэн авто замын хилийн боомт амарна. Харин Эрээнцав, Боршов, Арцсуурь, Тэс, Ханх, Ульхан гэсэн авто замын хилийн боомт 12 дугаар сарын 29-ний өдөр, 2016 оны нэгдүгээр сарын 1-10-ны өдрүүдэд тус тус амрах юм байна.

Харин агаарын замын Буянт-Ухаа, Чойбалсан, төмөр замын Замын-Үүд, Сүхбаатар, Эрээнцав боомт олон улсын нислэг, галт тэрэгний цагийн хуваариар, Алтанбулаг боомт 24 цагаар тус тус амралтгүй ажиллах юм байна.

Эх сурвалж: Хил хамгаалах ерөнхий газар