Бэлчээрийн доройтолд малын тоо толгой ихээр нөлөөлж байна гэв

Сүүлийн жилүүдэд бэлчээр талхлагдаж байгаа талаар эрдэмтэд анхааруулах болсон. Нийт газар нутгийн 96 хувь бэлчээрт ашиглагдаж байгаа бол үүний 70 орчим хувь нь цөлжилтөд их, бага хэмжээгээр өртсөн гэсэн судалгаа байгаа юм. Бэлчээрийн доройтолд байгалийн хүчин зүйлээс гадна хүний буруу үйл ажиллагаа, малын тоо толгой ихэссэн зэрэг нь нөлөөлж байгаа юм. Бэлчээрийн даац, доройтлыг судалдаг хэрнээ сайжруулах талаар одоог хүртэл ямар нэгэн арга хэмжээ авахгүй байгаа нь эргээд бэлчээрээ алдах эрсдэл байгааг ХААИС-ийн Газар тариалан, ургамал хамгааллын тэнхимийн багш, доктор н.Буянбаатар хэлж байна.