"Би монгол тамирчин" дуу өвлийн спортын наадмын сүлд боллоо

Монголын бүх ард түмний спортын өвлийн XVI, Монголын хүүхдийн спортын өвлийн VII наадам Орхон аймагт үргэлжилж байна.

Монгол Улсын соёлын гавьяат зүтгэлтэн Д.Дашдондовын шүлэг, хөгжмийн зохиолч Н.Эрдэнэбаатарын ая "Би монгол тамирчин" дуу өвлийн спортын наадмын сүлд дуугаар өргөмжлөгдөж Монголын бүх ард түмний спортын өвлийн XVI, Монголын хүүхдийн спортын өвлийн VII наадмын нээлтийн ёслолын үеэр анх удаа эгшиглэлээ.

Өвлийн спортын наадмын сүлд дууг соёлын тэргүүний ажилтан, дуучин Б.Нямдэлгэр болон Б.Ариунаа нар хамтран дуулж олны хүртээл болгожээ.