Биатлончид “IBU Cup” тэмцээнд оролцож байна

Монголын биатлоны шигшээ багийн зургаан тамирчин Латвийн Мадонад болж буй залуучуудын “IBU Cup” тэмцээнд оролцож байна. Ийн өчигдөр Монголын биатлончид эрэгтэй, эмэгтэйчүүдийн ганцаарчилсан төрөлд өрсөлдлөө.

Тодруулбал, Эрэгтэйчүүдийн 20 км-ын уралдаанд ОУХМ Э.Энхсайхан 133 тамирчнаас 72, Харин спортын мастер Б.Анхболд 101 дүгээр байрт оржээ.

Мөн эмэгтэйчүүдийн 15 км-т ОУХМ М.Должинсүрэн 112 тамирчнаас 55 дугаар байр эзэлсэн байна.

Ташрамд дуулгахад, ОУХМ Э.Энхсайхан, М.Должинсүрэн нар өнөөдөр дан холимог буухиа уралдаанд хурд сорино.