Бие даагчдын зөвлөл мэдээлэл хийлээ

Долоо хоног бүрийн даваа гарагт бие даагчдын зөвлөл тухайн долоо хоногт УИХ болон байнгын хороодоор хэлэлцэх асуудлуудын талаар байр сууриа илэрхийлдэг.

Өнөөдөр УИХ-ын гишүүн С.Ганбаатар, Ц.Даваасүрэн болон Х.Болорчулуун нар ээлжит мэдээллээ хийлээ.

Тэд энэ долоо хоногт олны анхааралд байгаа гишүүдийн давхар дээлний асуудал болон царцаасан барилгын тухай асуудлуудад ихээхэн ач холбогдол өгч байгаа ажээ. Мөн өөрсдийн өргөн барьсан Компанийн тухай хууль болон хотыг дахин хөгжүүлэх тухай хууль, Ашигт малтмалын тухай хуулиудад энэ долоо хоногт ач холбогдол өгч ажиллах ёстой хэмээн мэдэгдлээ.