БНАСАУ 11-р сарын 18-ныг "Үндэсний пуужингийн аж үйлдвэрийн өдөр” болгон тунхаглав

БНАСАУ 2022 оны 11-р сарын 18-ны өдөр тив алгасагч баллистик пуужин амжилттай туршсаны ойг тохиолдуулж энэ өдрийг “Үндэсний пуужингийн аж үйлдвэрийн өдөр” болгон тунхаглажээ. Уг шийдвэрийг БНАСАУ-ын Ардын дээд хурлын байнгын хорооноос гаргасан байна.

Умард Солонгос улс дэлхийн чансааны цөмийн энергийн хүчин чадалтай болж, дэлхийн хамгийн хүчтэй тив алгасагч пуужинтай болсныг тэмдэглэх баярыг тунхаглалаа гэж улсын сонинд нь бичсэн байна. Өнгөрсөн онд хөөргөсөн Хуасон-17 пуужин нь АНУ-ын нутаг дэвсгэрийг бүхэлд нь цохих хүчин чадалтай гэж судлаачид үздэг байна.