БНХАУ анх удаа Шар тэнгисээс зөөвөрлөгч пуужин сансар руу хөөргөлөө

БНХАУ анх удаа Шар тэнгисээс зөөвөрлөгч пуужин сансар руу хөөргөлөө. Зөөвөрлөгч пуужин тойрог замд 9 хиймэл дагуул гаргах юм байна. “Жилинь-1, Гаофэнь 03-1 ангиллын эдгээр хиймэл дагуулыг Бээжингийн цагаар өглөөний 09 цаг 23 минутын үед Чанчэнь-11 нэртэй Хятадын анхны тэнгисээс хөөргөдөг пуужингаар сансарт гаргасан” гэж мэдээлж байна.

Хиймэл дагуулуудын гурав нь бичлэг хийх зориулалттай бол зургаа нь газрын гадаргын нарийвчилсан зураг авах үүрэгтэй юм байна. Эдгээр хиймэл дагуулын тусламжтайгаар үндэсний газрын нөөц, хот төлөвлөлтөд хэрэглэх зураг авахаас гадна байгалийн гамшгийн үр дагаврыг арилгахад ашиглахаар төлөвлөжээ.