БНХАУ-ын Эрээн хотод Монгол Улсын 50 гаруй иргэн байна

"Цагийн хүрд" мэдээллийн хөтөлбөр: Коронавирусийн тохиолдол монголчуудын хамгийн их зорчдог БНХАУ-ын Эрээн хотод бүртгэгдсэн. БНХАУ-д цагаан сарын баяр болж байгаатай холбогдуулаад хилийн боомтуудын үйл ажиллагааг 3 хоног зогсоогоод байсан. Өнөөдрөөс галт тэрээр зорчих урсгал нээгдэнэ. Одоогийн байдлаар Хятадын Эрээн хотод Монгол Улсын 50 гаруй иргэн байгаа. Хил нээгдэх үед аюулгүй ажиллагааг хэрхэн хангаж, эрсдэлийг бууруулж, халдвар хамгааллыг нь сайжруулах асуудлаар Дорноговь аймгийн онцгой байдлын комисс хуралдсан байна. /2020.01.27/