БНХАУ-ын Шуудангийн товчооны төлөөлөгчдийг хүлээн авч уулзжээ

Мэдээллийн технологи, шуудан, харилцаа холбооны газрын удирдлагууд БНХАУ-ын Шуудангийн товчооны Зах зэээл удирдлага, хяналтын газрын ерөнхий захирал Хан Руилин тэргүүтэй төлөөлөгчдийг хүлээн авч уулзсан байна. Уулзалтаар хоёр улсын шуудангийн салбарын шинэчлэл, дэвшилтэт технологи, ложистикийн тээвэрлэлтийг шинэ түвшинд гаргах асуудлаар хамтын ажиллагааг цаашид өргөжүүлэх талаар санал солилцжээ. Мөн 2012 онд байгуулсан Харилцан ойлголцлын санамж бичгийн хэрэгжилтийг хангуулан, хоёр талд тулгарч буй асуудлуудыг хэлэлцэн шийдвэрлэхээр тохиролцсон байна. Төлөөлөгчид "Монгол Шуудан" ТӨХК-ийн удирдлагатай уулзан, тус компанийн үйл ажиллагаатай нь танилцжээ.