БНСУ-аас ирсэн 278 хүнээс 5 нь ХӨСҮТ-д тусгаарлагджээ

Коронавирусний тархалтын нөхцөл байдлын талаар ЭМЯ-наас өнөөдөр /2020.05.01/ ээлжит мэдээлэл хийлээ.

- Монгол Улсад коронавируст "Ковид-19" халдвар болон сэжигтэй тохиолдол нэмж бүртгэгдээгүй.
- 2020.04.30-нд Сөүл-Улаанбаатар чиглэлийн тусгай үүргийн онгоцоор 278 хүн ирсэн.

Үүнээс таван хүнийг шинж тэмдэг, асуумжинд үндэслэн ХӨСҮТ-д тусгаарласан бол, бусдыг нь ажиглах /Жаргалант, Зүчи, Сэлбэ, Корпорэйт зочид буудал, Цэргийн төв эмнэлэг, ХӨСҮТ/ байранд шилжүүлжээ.

- ХӨСҮТ-ийн 2 лаборатори, Дархан-Уул аймгийн салбар 1 лабораторид нийт 217 сорьцонд (PCR) шинжилгээ хийжээ.

Үүнд:

- ХӨСҮТ-д тусгаарлагдсан 23 хүн /давтан/,
- Алтанбулаг боомтоор ирсэн ачаа тээврийн 21 жолооч,
- Ажиглах байруудад тусгаарлагдсан 99 хүн,
- Дундговь, Төв аймаг болон дүүргийн нэгдсэн эмнэлгүүдээс тандалт, судалгааны зорилгоор цуглуулсан 74 сорьцонд халдвар илрээгүй.

- Улсын хэмжээнд ажиглах байруудад нийт 776 хүн тусгаарлагдаж, тандалт судалгаа, шинжилгээнд хамрагдаж байна.