БНСУ олон улсаас дэмжлэг хүснэ

Өмнөд Солонгос олон улсаас дэмжлэг хүснэ. Энэ тухай тус улсын Гадаад хэргийн сайд Кан Кюн Ва мягмар гарагт парламентын чуулгандаа мэдээлэл хийж, Зүүн Өмнөд Азийн улс орнуудын сайд нарын хурлын үеэр олон улсаас дэмжлэг хүснэ гэжээ.

“Япон улс баасан гарагт Өмнөд Солонгосыг хялбаршуулсан экспортын журам авах эрхтэй улсуудын жагсаалтаас хасна” гээд Өмнөд Солонгосын Гадаад хэргийн сайд энэ шийдвэр наймдугаар сарын сүүлч гэхэд хэрэгжиж эхлэхээр байна гэсэн байна.

Японы тал БНСУ-д экспортын хяналт тавьснаас болж эдийн засаг нь хүндрэх төлөв байна гэсэн зовнил үүсээд байгаа юм. Зүүн Өмнөд Азийн улс орнуудын сайд нарын хурал энэ баасан гарагт Бангкокт эхэлнэ.