БНСУ-ын иргэнд нэг жилийн хорих ял оноов
Шүүхээс БНСУ-ын иргэн Ким Ён Жунд Эрүүгийн хуулийн тусгай ангийн 20.7 дугаар зүйлийн 1-д зааснаар нэг жилийн хугацаагаар хорих ялаар шийтгэсэн байна
Мэдээллийн алба
Өмнөд Солонгосын иргэн Ким Ён Жунд холбогдох шүүх хурал өнөөдөр Чингэлтэй дүүргийн Эрүүгийн хэргийн анхан шатны шүүхэд боллоо. Эргэн сануулахад, Хар тамхитай тэмцэх газраас БНСУ-ын иргэн гэртээ хар тамхи хадгалж, хэрэглэж байна гэх мэдээллийн дагуу өнгөрсөн гуравдугаар сарын 22-ноос 23-нд шилжих шөнө шалгалт хийж, Ким Ён Жун гэгч дельта-9 тетрагидроканнабилын агууламжтай савлагааны хамт 159 грамм “Каннабис” хадгалж байсныг илрүүлсэн байдаг.
Шүүхээс БНСУ-ын иргэн Ким Ён Жунд Эрүүгийн хуулийн тусгай ангийн 20.7 дугаар зүйлийн 1-д зааснаар нэг жилийн хугацаагаар хорих ялаар шийтгэсэн байна.
