БНТУ-д 30 хүртэл хоног харилцан визгүй зорчино

Засгийн газрын ээлжит хуралдаан 2013 оны 12 дугаар сарын 7-ны өдөр болж, дараах асуудлыг хэлэлцэн шийдвэрлэлээ. УИХ-ын дарга З.Энхболдын БНТУ-д хийсэн айлчлалын үеэр Анкара хотноо 10 дугаар сарын 10-нд гарын үсэг зурсан "Иргэд харилцан зорчих тухай Монгол Улсын Засгийн газар, Бүгд Найрамдах Турк улсын Засгийн газар хоорондын хэлэлцээр"-ийг эцэслэн баталлаа. Хэлэлцээрийн дагуу хоёр орны иргэд паспортын төрөл үл харгалзан 30 хүртэл хоног харилцан визгүй зорчино. Мөн монгол иргэд БНТУ-д байх хоног тутамдаа 30 ам.долларын хураамж төлдөг байсан хуучин журам хүчингүй болно.