“Boeing 737” онгоц буух зурвасаасаа хэтэрсэн хэрэг гарчээ

Энэ сарын 5-ны орой Өмнөд Солонгосын “Korean Airlines” компанийн “Boeing 737” онгоц Японы Нигата хотын нисэх онгоцны буудал дээр газардахдаа буух зурвасаас хэтэрсэн хэрэг гарсан байна. Японы албаныхны мэдээлж байгаагаар энэхүү хэргийн улмаас хүн гэмтэж бэртээгүй ч Нигата нисэх онгоцны буудлаас өчигдөр хөөрөх байсан 19 нислэгийг цуцалсан байна.

Учир нь Нигата хотын нисэх онгоцны буудлын албаныхны зүгээс “Boeing 737” онгоц буух зурвасаас хэтэрсэн хэргийг судалж, мөрдөн шалгах хэрэгтэй холбоотойгоор өчигдрийн нислэгийг цуцалсан аж.