"Boeing" компани ачаа тээврийн зориулалтын нисдэг дрон бүтээнэ

АНУ-ын нисэх онгоц үйлдвэрлэгч Боийнг компани ачаа тээврийн зориулалтын нисдэг дрон бүтээхээр зорьж байгаа юм байна. Эх сурвалжуудын мэдээлснээр, тус компанийн бүтээхээр зорьж байгаа нисдэг дрон нь 225 хүртэлх кг ачааг даах чадвартай байх болно гэж онцолжээ.

Ачаа тээврийн зориулалтаар ашиглах тул өндөр хүчин чадалтай байх хэрэгтэй. Энэ ч үүднээсээ 2 давхар бүхий 8 ширхэг сэнстэй байх юм байна. Агаарын хэвтээ боло нбосоо чиглэлийн хөдөлгөөнд хөөрч, нислэг үйлдэх боломжтой. Хэмжээний хувьд: урт, өргөн, өндөр нь 4,5 , 5,5 1,25 метр гэсэн урттай. Нийтдээ 340 кг жинтэй юм байна. Хоризон Икс комапнийн зохион бүтээгчдийн баг сүүлийн 3 сарын хугацаанд ту дроныг хийж бүтээжээ. АНУ-ын Миссури мужийн Боийнг компанийн “Boeing Research & Technology” туршилт, судалгааны лабораторд эхний туршилтаа нислэгээ хийгээд байгаа юм байна.