Богд суманд тарвага агнасан зөрчилд арга хэмжээ тооцлоо

Өвөрхангай аймгийн Богд сумын нутаг дэвсгэрт тарваган тахлын хүний өвчлөлийн сэжигтэй тохиолдол гарч аймгийн Онцгой комисс хуралдаж Богд сумаас гарах хөдөлгөөнийг хязгаарлах арга хэмжээ авч шинжилгээ хийхэд "сөрөг буюу тарваган тахал өвчний халдвар" илрээгүй.

Тарвага хууль бусаар агнасан үйлдэлд зөрчил шалган шийдвэрлэх ажиллагаа явуулж 2 ширхэг тарвага хууль бусаар агнасан нэг иргэнд 150.000 төгрөгийн торгууль оногдуулж, байгаль орчинд учирсан хохирлын 720.000 төгрөгийг нөхөн төлүүлэхээр шийдвэрлэлээ.

Тарваган тахал өвчний сэжигтэй тохиолдол бүртгэгдээд байгаа эрсдэлтэй үед хууль бусаар тарвага агнах, мах арьс түүхий эдийг худалдах, худалдан авахгүй байх, тарваган тахал өвчнөөс сэргийлэхийг анхааруулж байна.

Холбогдох хууль хяналтын байгууллагатай хамтран хууль бусаар тарвага агнах, мах, түүхий эдийг худалдах, худалдан авах зөрчлийг илрүүлэх, таслан зогсоох, хариуцлага тооцох хяналт шалгалтыг эрчимжүүлж байна.

Эх сурвалж: Өвөрхангай аймгийн МХГ