"Богинын ам"-ны хог хаягдлыг цэвэрлэжээ

ХУД-ийн Тохижилт үйлчилгээний төв ОНӨААТҮГ өчигдөр дүүргийнхээ 11 дүгээр хорооны 5 дугаар хэсгийн Богинын аманд хуримтлагдсан ахуйн болон барилгын хог хаягдлыг цэвэрлэжээ. Цэвэрлэгээгээр ХУД-ийн ТҮТөв ОНӨААТҮГ-ын 8 ажилтан ажиллаж, 3 авто машин хог хаягдлыг ачиж тээвэрлэсэн байна.

Тухайн цэвэрлэсэн хэсэгт дахин хог хаягдал үүсгэхгүй байх тал дээр анхаарч 11 дүгээр хороо, Богинын амын байгаль хамгаалагчтай хамтран ажиллаж байна.