“Бойнг 737 МAX8” онгоцны ослоор нас барсан иргэний ар гэрийнхэн шүүхэд ханджээ

“Этиопиан Эйрлайнес” компанийн онгоцны ослоор амиа алдсан Руанда улсын иргэн Жексон Мусоний ар гэрийнхэн “Бойнг” компанийг Чикаго дахь холбооны шүүхэд өгсөн тухай “Ройтерс” агентлаг мэдээллээ.

Амиа алдсан хүний ар гэрийнхэн “Бойнг” компанийг нислэгийн хяналтын автомат системийн төсөлдөө алдаа гаргасан гэж үзэж, компаниас нөхөн олговор олгохыг шаарджээ.

Энэ нь гуравдугаар сарын 10-нд Этиоп улсад осолдсон “Этиопиан Эйрлайнес” компанийн “Бойнг 737 МAX8” загварын ослоос хойших шүүхийн анхны нэхэмжлэл болж байна. Энэ онгоцны ослын улмаас Этиоп улсад 157 хүн амиа алдсан юм. Одоогоор ослын шалтгаан тогтоогдоогүй байна.