Боксын долоон тамирчин тулалдана

Азийн наадам 11 дэх өдрөө үргэлжилж байна. Өнөөдөр манайхаас боксын долоон тамирчин рингэнд гарна. Эрэгтэй зургаа, эмэгтэй нэг тамирчин тулалдах аж.
Боксын эмэгтэйчүүдийн 51 кг-ын жинд ОУХМ Мягмардуламын Нандинцэцэг хүрэл медалийн болзол хангаад байгаа. Тэрээр Казахстаны боксчин Шекербековатай тулалдана. Түүний араас эрэгтэй зургаан тамирчин өрсөлдөнө.

Эрэгтэйчүүдийн 49 кг-д Г.Ган-Эрдэнэ, 56 кг-д Гавьяат тамирчин Н.Төгсцогт, 64 кг-д Б.Чинзориг, 75 кг-д Н.Шинэбаяр болон 91 кг-д Д.Отгонбаяр, +91 кг-д Б.Энхбаяр нар хүрэл медалийн төлөө тулалдах юм. Боксын тэмцээн Улаанбаатарын цагаар 13:00 цагаас эхэлнэ.