Бразил улс Сноуденд хоргодох эрх олгохгүй

Энэ сарын 16-нд АНУ-ын Үндэсний аюулгүй байдлын агентлагийн ажилтан асан Эдвард Сноуден Бразилийн ард түмэнд хандан улс төрийн шалтгаанаар хоргодох эрх олговол Америкийн тагнуулын шинэ нууцыг задална гэж “Фолья ди Сан-Паулу” сонинд захидлаа нийтлүүлэхдээ амалсан билээ.

Учир нь Бразилийн Засгийн газраас АНУ-ын Үндэсний аюулгүй байдлын агентлагийн дэлхий даяар явуулж байгаа үйл ажиллагааг шүүмжилсэн явдал сэтгэлийг нь хөдөлгөсөн байна. Гэвч Бразилийн хэвлэл мэдээллийн албанаас Бразил улс Сноуденд хоргодох эрх олгохгүй хэмээн мэдээлж байна.