Брэден Холтби улирлын шилдэг хаалгачийн шагналыг хүртлээ

Хойд Америкийн үндэсний хоккейн лигийн тэмцээний улирлын шилдэг хаалгачид олгодог “Уильям Женнингс Трофи”-г энэ улирал “Вашингтон Кэпиталс” багийн шилдэг хаалгач Брэден Холтби хүртлээ. Улирлын тоглолтуудад хамгийн цөөн гоол алдсан хаалгачаар “Вашингтон Кэпиталс” багийн шилдэг хаалгач Брэден Холтби шалгарч, 2 дахь удаагаа “Уильям Женнингс Трофи”-гийн эзэн болжээ. Энэ улирал лигийн дорнод бүсийн аваргаар тодорсон “ Вашингтон Кэпиталс” нийт 82 тоглолтод өөрийн хаалгандаа 182 гоол алдсан юм. Харин “Колумбус Блю Жэкетс”-ийн хаалгач Сергей Бобровский өөрийн хаалгыг чиглэсэн нийт цохилтын 93.1 хувийг хаасан үзүүлэлтээр удаах байрт эрэмбэлэгдсэн байна.