Бригадын генерал Н.Наран-Очир, дэд хурандаа Х.Санчирдорж нар цэргийн наадмыг шүүх эрхтэй боллоо
“Танкийн биатлон” тэмцээнд оролцож буй манай улсын баг тамирчдын нэгдүгээр экипажийн бүрэлдэхүүн өнөөдөр буюу 8 дугаар сарын 23-ны өдөр Венесуэл, Сири, Вьетнам улсын багтай өрсөлдөх бөгөөд хоёр болон гуравдугаар экипажийн бүрэлдэхүүн 26, 29-ний өдрүүдэд уралдана.
Мэдээллийн алба
ОХУ-ын Батлан хамгаалах яамнаас жил бүр уламжлал болгон зохион байгуулж буй “Олон улсын цэргийн наадам-2021”-ийн хүрээнд явагдах тэмцээнүүдийг шүүх олон улсын шүүгчийн эрх олгох сургалтад бригадын генерал Н.Наран-Очир, “Танкийн биатлон” тэмцээний шүүгчийн эрх олгох сургалтад дэд хурандаа Х.Санчирдорж нар хамрагдсанаар шүүх эрхийн сертификатыг гардаж, 3 дугаар зэргийн болзлыг хангасан байна.
“Танкийн биатлон” тэмцээнд оролцож буй манай улсын баг тамирчдын нэгдүгээр экипажийн бүрэлдэхүүн өнөөдөр буюу 8 дугаар сарын 23-ны өдөр Венесуэл, Сири, Вьетнам улсын багтай өрсөлдөх бөгөөд хоёр болон гуравдугаар экипажийн бүрэлдэхүүн 26, 29-ний өдрүүдэд уралдана.
Тэмцээний ганцаарчилсан уралдааны төгсгөлд экипаж бүрийн гаргасан амжилт, нийлбэр онооны дүнгээр байр эзлүүлэх ба эхний 8 байрт шалгарсан баг тамирчдыг хагас шигшээ уралдаанд оролцуулах ажээ.
Зэвсэгт хүчний Жанжин штаб
