Бүх нийтийн гүйлт боллоо

Монгол Оросын хамтарсан уулын баяжуулах Эрдэнэт үйлдвэр ХХК-ийн 35 жилийн ойг тохиолдуулан Мобиком корпораци, Эрдэнэт үйлдвэр ХХК хамтран “Бүх нийтийн гүйлт 2013” тэмцээнийг энэ сарын 15-нд зохион байгууллаа.
Эрүүл амьдралыг бэлэглэгч идэвхтэй хөдөлгөөнийг дэмжих зорилготой бүх нийтийн гүйлт Вокзалаас Хангарьд ордон хүртэлх маршруттай явагдаж 14-өөс дээш насны 1000 хүн оролцжээ.
Тэмцээнийг тэргүүлсэн 35 оролцогчийг Мобиком корпораци гар утсаар, шилдгийн шилдэг 6 гүйгчийг дэлхийд тэргүүлэгч iPhone 5 гар утсаар, нийт 1000 оролцогчийг 1 000 000 төгрөгийн нэгжээр урамшуулсан байна.