Бүх нийтийн их цэвэрлэгээ хийж байна

"Харшлын эсрэг хамтдаа" уриатай "Шарилжгүй Улаанбаатар 4" аяны хүрээнд өнөөдөр буюу зургаадугаар сарын 29-нд бүх нийтийн их цэвэрлэгээг хийж байна.

Их цэвэрлэгээнд нэгдэхдээ иргэд, ААНБ-ууд өөрсдийн ажиллаж байгаа болон амьдарч буй орчныхоо шарилж, луулийг цэвэрлэх юм байна.

Шарилж, луулийг цэвэрлэхдээ булцуу нь задарч, тоосоо гөвөхөөс өмнө хөрсөнд 5-10 см үлдээн тайралт хийхийг эрдэмтэд зөвлөж байна. Тайралт хийснээр харшлын өвчлөлийг сэдрээхгүй байхаас гадна хөрсийг хамгаалж эрүүлжүүлэхэд ач тустай.