Бүх нийтийн их цэвэрлэгээтэй

Хичээлийн шинэ жил эхлэхтэй холбогдуулан Сүхбаатар дүүргийн Засаг дарга захирамж гаргажээ. Тэрбээр дүүргийн нутаг дэвсгэрт өнөөдөр, маргааш бүх нийтийн их цэвэрлэгээг зохион байгуулах үүрэг өгчээ.

Захирамжийн дагуу нийтийн эзэмшлийн гудамж талбай, явган болон авто зам, ногоон байгууламж, далан, гуу жалга, байгууллага, аж ахуйн нэгж эзэмшил газраа цэвэрлэх аж. Мөн Ерөнхий боловсролын сургууль, цэцэрлэгийн гаднах орчны хог хаягдлыг цэвэрлэн шарилж, зэрлэг ургамлыг зулгаах юм байна.