Бөхийн өргөөний уулзварыг өнөөдөр нээнэ

“Гудамж” төслийн хүрээнд дөрвөн замын уулзвар болгосон Бөхийн өргөөний уулзварыг өнөөдөр 11.40 цагт бүрэн нээнэ.

Уулзварыг өнгөрсөн сарын 26-нд нээх байсан ч замын компанийн хариуцлагагүй байдлаас болж хойшилсон юм. Тодруулбал, уулзварын зорчих хэсгийн өндөржилтөд алдаа гарган, зарим тэмдэг тэмдэглэгээг чанаргүй гүйцэтгэж, талбайн өнгө хучилтыг дутуу хийсэн дутагдлууд илэрсэн.

Гүйцэтгэгч компанид хугацаат үүрэг өгснөөр ийнхүү бүрэн ашиглалтад оруулахаар болсон байна. Түүнчлэн маргааш 11.40 цагаас III, IV хорооллын эцсийн уулзварыг нээхээр болжээ.