"Бүргэдийн баяр" ирэх сарын 1-3-ны өдрүүдэд болно

Казах ард түмний бүргэдээр ан хийх уламжлал, өвөрмөц ёс заншлыг гадаад, дотоодын иргэдэд сурталчлан танилцуулах зорилготой уламжлалт "Бүргэдийн баяр" арга хэмжээ ирэх сарын 1-3-ны өдрүүдэд зохион байгуулагдах гэж байна. Энэ удаагийн арга хэмжээнд гадаадын 400 орчим жуулчин оролцох төлөвтэй байгаа юм.

"Бүргэдийн баяр"-аар хурдан, жороо морины болон тэмээний уралдаан, сур харваа, мөнгө шүүрэх, тулам булаалдах зэрэг ардын тоглоом наадгай болж, гар урлалын үзэсгэлэн худалдаа гаргахаар төлөвлөжээ.