Бусдын баримт бичгээр хил нэвтрэхийг завдав

Сэлэнгэ аймгийн "Алтанбулаг" авто замын шалган нэвтрүүлэх боомтын гарах чиглэлд 06 дугаар сарын 24-ний өдөр манай улсын иргэн Б нь бусдын гадаад паспортыг ашиглан хил нэвтрэхийг завджээ.

Энэхүү зөрчлийг Иргэний харьяалал, шилжилт хөдөлгөөний ерөнхий газрын Сэлэнгэ аймаг дахь газрын шалгагч Д.Эрдэнэцэцэг мэргэшлийн өндөр ур чадвар гарган ажиллаж илрүүллээ гэж ИХШХЕГ-ын Сэлэнгэ аймаг дахь газраас мэдээлэв.