Бүтээлч Архангайнхан

Архангай аймаг түүхт 90 жилийн ойгоо тохиолдуулан 90 бүтээлч ажил өрнүүлжээ. Тус аймаг байгаль орчин, ногоон хөгжлийн жишиг аймаг болох зорилт тавьж экологид ээлтэй олон ажлыг хийхээр зэхэж байгаа юм. Бүтээлч ажлын эхлэл болж хүндэтгэлийн цогцолбор, аймгийн төвдөө 1.6 км хатуу хучилттай зам барьж, гэрэлтүүлэг ногоон байгууламждаа шинэчлэл хийж, мөн аймгийн төвөө хот болгон хөгжүүлэхээр ажиллаж байгаа юм. Аймгийн 90 жилийн ойн бэлтгэл ажил үндсэндээ дуусчээ.