"Бүтээн байгуулалтын цаг" хойшлогдлоо

Даваа гараг бүр болдог Засгийн газрын "Бүтээн байгуулалтын цаг" уулзалт өнөөдөр 15:00 цагаас товлогдсон байсан ч хойшлогдлоо.

Учир нь УИХ-ын хаврын чуулган эхэлсэнтэй холбогдуулан хуралдсан УИХ дахь намын бүлгүүдийн хуралдаан үргэлжилж танхим чөлөөлөөгүй байна.

"Бүтээн байгуулалтын цаг" уулзалтаар Мэдээллийн технологи, шуудан харилцаа холбооны газрын дарга Ц.Жадамбаа оролцож мэдээлэл хийх байсан юм.

Одоо УИХ дахь АН-ын бүлэг Төрийн ордны А танхимд, МАН-ын бүлэг Б танхимд, МАХН-МҮАН-ын “Шударга ёс” эвслийн бүлэг В танхимд хуралдаж байна.