Буцалтгүй тусламжийн хөрөнгө оруулалтаар 2 км авто зам барьж байна
Сайншанд сумын 1-р багийн “Сайншанд-2” шинэ суурьшлын бүсэд хоёр км хатуу хучилттай авто зам, Замын-Үүд суманд нэг км хатуу хучилттай авто зам барих ажлыг “Ди Вай Кэй Би” ХХК гүйцэтгэж байна.
Мэдээллийн алба
Азийн хөгжлийн банкны G0204 төслийн 7.9 сая ам.долларын буцалтгүй тусламжийн хөрөнгө оруулалтаар Сайншанд, Замын-Үүд сумдын цэвэр, бохир, дулааны төв магистрал инженерийн шугам сүлжээг өргөтгөн шинэчлэх ажлыг “Эс Энд Ай” ХХК, “Хангилцаг” ХХК, Сайншанд сумын “Сайншанд-2” суурьшлын бүсийг дулаанаар хангах зориулалт бүхий 8.4 мВт-ийн дулааны зуух барих ажлыг “Цагаан шүтээн” ХХК тус тус гүйцэтгэж ашиглалтад оруулаад байгаа билээ.
Дээрх төслийн үргэлжлэл болох Сайншанд сумын 1-р багийн “Сайншанд-2” шинэ суурьшлын бүсэд хоёр км хатуу хучилттай авто зам, Замын-Үүд суманд нэг км хатуу хучилттай авто зам барих ажлыг “Ди Вай Кэй Би” ХХК гүйцэтгэж байна.
