“Буудна” гэж танхайрчээ

Цагдаагийн байгууллагад өнгөрсөн амралтын өдөр галт зэвсэг ашиглан танхайрах төрлийн гэмт хэрэг бүртгэгдсэн байна. Тодруулбал, БГД-ийн 14 дүгээр хороо “Оке” зочид буудлын гадна согтуу хүн танхайраад байна гэсэн мэдээллээр цагдаагийн байгууллага очиж шалгалтын ажиллагаа хийхэд СХД-ийн 9 дүгээр хорооны иргэн 28 настай эрэгтэй С гэгч нь согтуурсан үедээ “Та нарыг буудаж ална” хэмээн танхайрч байсныг таслан зогсоожээ. Улмаар уг этгээдэд үзлэг хийхэд 7.62 мм-ийн галт сум 13 ширхэгийг авч явсныг нь хураан авчээ. Хэргийг БГД-ийн цагдаагийн нэгдүгээр хэлтэст шалгаж байна.