“Буянт-Ухаа-2” хорооллын ажлын явц 30 хувьтай байна

Төрийн орон сууцны захиалгаар баригдаж буй “Буянт-Ухаа 2″ хорооллын барилга угсралтын ажил энэ оны зургаадугаар сард эхэлсэн. Тус хороололд есөн давхар нийт 48 барилга угсралтын ажил хийгдэж байгаа бөгөөд өнөөдрийн байдлаар ажлын явц 30 хувьтай үргэлжилж байна.

Тодруулбал, цэвэр усны 300 мм кольцоо шугам, бохир усны 300 мм-ийн нол магистрал шугамуудын угсралтын ажил бүрэн хийгдэж дууссан бөгөөд дулаан хангамжийн ЦТП-11 тоног төхөөрөмж угсралтын ажил хийгдээд байна. Мөн 150-300 мм-ийн дулааны шугамын угсралтын ажил хийгдэж, хорооллын салбар шугамын тендер зарлах бэлтгэл ажлыг зохион байгуулж байгаа аж.