Ч.Өнөрбаяр: Ерөнхийлөгч "Саус Гоби Сэндс" компанид уучлал үзүүлээгүй

Монгол Улсын Ерөнхийлөгч Ц.Элбэгдорж Жастин Капла гадаадын иргэн ялтанд уучлал үзүүлсэн. Харин 35 тэрбум төгрөгийн хохирол учруулсан "Саус Гоби Сэндс" компанид уучлал үзүүлээгүй.Тиймээс Ерөнхийлөгчийн гаргасан шийдвэр үндсэн хууль зөрчөөгүй, огцрох ямар ч үндэслэлгүй гэж Монгол Улсын Ерөнхийлөгчийн Хүний эрх, хуулийн бодлогын зөвлөх Ч.Өнөрбаяр тайлбарлалаа.

“Босоо хөх монгол” ТББ, "Ноён уулаа аваръя" хөдөлгөөнөөс Ерөнхийлөгч Ц.Элбэгдорж Жастин Капла нарт уучлал үзүүлсэн нь Үндсэн хуулийн 35-р зүйлийн хоёр, 49-р зүйлийн хоёр, 50 дугаар зүйлийн хоёр дахь хэсгийг тус тус зөрчсөн гэж үзэн түүнийг огцруулах хүсэлтээ Үндсэн хуулийн цэцэд өгөөд байгаа юм.