Чанаргүй дүрэмт хувцсыг солиулж болно

“Эх орон шингэсэн эрдмийн дүрэмт хувцас” нэртэй сурагчдын шинээр батлагдсан дүрэмт хувцасны үнэ, чанарын асуудал эцэг эхчүүдийг бухимдуулсаар. Иргэдийн санал хүсэлт хүлээн авах Засгийн газрын төв “1111” утсанд энэ талаарх гомдол тасрахгүй байна. Энэ талаар Хөнгөн үйлдвэрийн бодлогын хэрэгжилтийг зохицуулах газрын мэргэжилтэн “Бүх оёдлын үйлдвэр, цехэд хяналт тавьж ажиллаж байгаа. Чанаргүй муу оёсон хувцсыг солиулах боломжтой” гэсэн хариу өгснийг Засгийн газрын Хэвлэл мэдээлэл, олон нийттэй харилцах албанаас мэдээллээ.