Час улаан уруул цэцэг мөхөх аюулд оржээ

Төв болон Өмнөд Америкийн ой, Колумби, Коста-Рика, Панам, Эквадор зэрэг оронд уруулын хэлбэртэй нэгэн сонин цэцэг ургадаг байна. Энэхүү цэцэг дэлхийн хамгийн гайхамшигтай, үзэсгэлэнтэй ургамлын тоонд зүй ёсоор багтдаг бөгөөд түүний тод улаан өнгө бүхий уруултай адил хэлбэр нь хүмүүсийн сонирхлыг татсаар иржээ. Энэ цэцгийн 100 гаруй төрөл одоогоор бүртгэгдээд байгаа аж.
Хурц тод өнгө, таатай үнэр зэргээрээ олон төрлийн шавьж, эрвээхэйг өөртөө татдаг энэ цэцэг экосистемийн тэнцвэрт байдлыг хадгалахад чухал үүрэгтэй гэж эрдэмтэд үзэж байгаа ч түүний ургадаг ой модыг их хэмжээгээр устгаж эхэлснээр гайхалтай цэцэг мөхөх аюулд тулгараад байна.