Чилид газар хөдөлжээ

Чилийн төв хэсгээр 6,6 магнитудын хүчтэй газар хөдлөлт боллоо гэж АНУ-ын Геологийн албанаас мэдээллээ. Газар хөдлөлтийн улмаас хүмүүс гэмтсэн, эвдрэл сүйдэл учирсан мэдээлэл одоогоор ирээгүй байна. Харин тус улсын нийслэл Сантьяго хотод чичирхийллийн улмаас байшин барилгууд доргисон байна. Газар хөдлөлтийн төв цэг нь Кокимба хотоос баруун урагш 65 км зайтай, газрын дор 10 км-т байжээ.