"Чингис хааны нам"-ын асуудлыг өнөөдөр хэлэлцэнэ

Манай улсын бизнес эрхлэгчид “Чингис хаан” нэрийг олон зүйлд ашиглах болсон. Уух ундаа, дэвсэх хивснээс өгсүүлээд архи дарсандаа хүртэл. Энэ талаар ШӨХТГ-ын дарга О.Магнай “Чингис” гэсэн нэр болоод түүний албан ёсны хөрөг, соёмбо бэлгэдлүүдийг зүй зохистой хэрэглэхтэй холбогдсон журмын төслийг санаачлаад байгаа. Тэгвэл энэ үед их хааны нэрийг ашигласан бас нэг тохиолдол нь "Чингис хааны нам" юм. Тус нам Улсын дээд шүүхэд бүртгүүлэх өргөдлөө өгсөн бөгөөд нйм нэртэй намыг бүртгэж болох эсэх, улс төрийн намын шаардлага хангаж байгаа эсэхийг Улсын дээд шүүх өнөөдөр хэлэлцэхээр болсон байна.