Чойр-Сайншанд чиглэлийн автозамын хөдөлгөөнийг түр хугацаагаар хаажээ

"Дорноговь АЗЗА" ТӨХК-ийн хариуцсан А0102 Чойр-Сайншанд чиглэлд Айраг суманд цасан шуурга шуурч, үзэгдэх орчин хязгаарлагдаж, хөдөлгөөн нэвтрүүлэх боломжгүй болсон тул Аймгийн онцгой байдлын газраас автозамын хөдөлгөөнийг түр хугацаагаар хаасан байна.

Жолооч нар замын хөдөлгөөнд оролцохдоо тээврийн хэрэгслийн техникийн бүрэн бүтэн байдлыг хангж, хурдаа тохируулж анхаарал болгоомжтой зорчихыг Зам тээврийн хөгжлийн төвөөс зөвлөж байна.