“Чонон сүлд” кино хүн төрөлхтөнд худал мэдээлэл түгээж байна

Өнөөдөр “Чингис хааны дэлхийн академи”-аас мэдээлэл хийлээ. Мэдээлэлд “БНХАУ-ын зохиолч Жан Руны “Чонон сүлд” кино нь монголчуудын уг гарвалд бүдүүлгээр халдаж, хүн төрөлхтний хар номд орсон коммунист геоцидыг зөвтгөсөн зохиолоор кино хийж, олон ийтэд худал мэдээлэл түгээж байна” гэлээ. Түүнчлэн тус академийн ерөнхийлөгч П.Давааням “Аливаа хүний тухай ном бичиж, кино хийсэн ч нийтэд үзүүлэхээсээ өмнө холбогдох хүмүүс, байгууллагад нь заавал үзүүлж, баталгаажуулах дэлхийн соёл байдаг. Гэтэл тус киноны зохиолчдод тийм соёл байсангүй” хэмээн ярьсан юм.