Д.Батцогт гишүүн АН-д элсчээ

УИХ дахь МАХН-МҮАН-ын "Шударга ёс" эвслийн бүлгийн гишүүн, УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт өнгөрсөн тавдугаар сард бүлгээсээ гарсан.

Тэрээр өнгөрсөн баасан гарагт Ардчилсан намд элсчээ. Сүхбаатар дүүргийн Ардчилсан намын дарга, НИТХ-ын дарга Д.Баттулгаас үнэмлэхээ гардан авсан байна. Д.Батцогт намын харьяаллаа өөрчлөх болсон талаараа “Ардчилсан намын гишүүн болсон минь үнэн. Намын харьяаллаа яагаад өөрчлөх болсон талаараа дараа тайлбарлая” гэжээ.