Д.Дэмбэрэлсайхан даян мэргэн цолны болзол хангалаа
Энэ жилийн баяр наадамд нийт 540 буюу эрэгтэй 396, эмэгтэй 144 харваач цэц мэргэнээ сорин өрсөлдсөн юм.
Мэдээллийн алба
Тулгар төрийн 2229, Их Монгол Улс байгуулагдсаны 814, Ардын хувьсгалын 99 жилийн ой, Үндэсний их баяр наадмын үндэсний сурын харваанд Завхан аймгийн Эрдэнэхайрхан сумын харьяат Д.Дэмбэрэлсайхан түрүүлж, даян мэргэн боллоо.
Энэ жилийн баяр наадамд нийт 540 буюу эрэгтэй 396, эмэгтэй 144 харваач цэц мэргэнээ сорин өрсөлдсөн юм.
Хоёрдугаар байранд спортын мастер, аймгийн мэргэн Д.Баттулга Монгол Улсын гарамгай мэргэн, гуравдугаар байранд аймгийн мэргэн, спортын мастер П.Явуухулан гоц мэргэн цолны болзол хангав.
Харин эмэгтэй харваачдаас Сүхбаатар аймгийн Баяндэлгэр сумын уугуул, аймгийн мэргэн, спортын мастер Л.Одсайхан түрүүлж, улсын мэргэн, хоёрдугаарт Завхан аймгийн Түдэвтэй сумын уугуул, улсын даян мэргэн Д.Эрдэнэтуяа, гуравдугаар байрт Дорнод аймгийн Хөлөнбуйр сумын уугуул, улсын гарамгай харваач Ч.Гандаваа нар шалгарлаа.
