Д.Загдсүрэнг өршөөлийн хуулиар суллажээ

Монголын Олимпийн хорооны ерөнхийлөгч асан Д.Загдсүрэнг өршөөлийн хуулиар чөлөөлсөн байна.

Тэрээр албан тушаалын гэмт хэрэг үйлдэн улсад их хэмжээний хохирол учруулсан нь мөрдөн байцаалтаар тогтоогдсон билээ.

Улмаар шүүхээс 3 жилийн хорих ял оногдуулсан ч өршөөлийн хуульд хамруулан ял эдлэхээс чөлөөлж шийдвэрлэсэн гэж Улсын ерөнхий прокурорын газрын Хэвлэл мэдээллийн төвийн ажилтан Н.Отгончимэг хэллээ.