Даатгалын хураамжийн орлого өмнөх улирлаас 33.1 хувиар өслөө

Даатгалын хураамжийн орлого 2020 оны эхний хагас жилд 94.8 тэрбум төгрөгт хүрч, даатгалын нөхөн төлбөрт 27.7 тэрбум төгрөг олгосон нь өмнөх оны мөн үеэс даатгалын хураамжийн орлого 8.1 (7.9%) тэрбум төгрөгөөр буурч, даатгалын нөхөн төлбөр 2.4 (9.3%) тэрбум төгрөгөөр өссөн байна.

Даатгалын хураамжийн орлого 2020 оны 2 дугаар улиралд 54.1 тэрбум төгрөгт болж, өмнөх оны мөн үеэс 10.4 (16.2%) тэрбум төгрөгөөр буурч, өмнөх улирлаас 13.4 (33.1%) тэрбум төгрөгөөр өсжээ.
Даатгалын нөхөн төлбөрт 2020 оны 2 дугаар улиралд 12.1 тэрбум төгрөг олгосон нь өмнөх оны мөн үеэс 725.1 (5.7%) сая төгрөгөөр, өмнөх улирлаас 3.5 (22.7%) тэрбум төгрөгөөр буурсан байна гэж Үндэсний Статистикийн Хорооноос мэдээллээ.