Дахин төлөвлөлтөд дөрвөн цэцэрлэг багтжээ

Гэр хорооллын дахин төлөвлөлтийг хэрэгжүүлэхэд 32 компани шалгараад байгаагаас 16 нь батламжаа гардан авсан байна. Дахин төлөвлөлтийг зургаан жилийн хугацаанд хэрэгжүүлэх юм.

Харин энэ онд 4800 орчим өрх орон сууцтай болох бөгөөд үүнийг дагаад 720 хүүхдийн багтаамжтай дөрвөн цэцэрлэг барихаар төлөвлөжээ.

Одоогийн байдлаар барилга угсралтын 20 ажилд 53 тэрбум 183 сая төгрөгийн гэрээ байгуулж, дэд бүтцийг барьж байгуулах ажлыг хийж эхэлжээ.