Далан, сувгийг цэвэрлэлээ

Улаанбаатар хотын Захирагчийн ажлын албаны Инженерийн байгууламжийн хэлтэс хотын үерийн хамгаалалтын 23 428 м урт, 19 объект бүхий далан суваг, борооны ус зайлуулах далд шугам сүлжээний 1601 шүүрт худаг, 964 үзлэгийн худгийг цэвэрлэхээр төлөвлөсөн байна.

Тус төлөвлөгөөний дагуу өнөөдрөөс 17-р сургуулиас "Ногоон нуур" хүртэлх далан суваг, Дэнжийн 1000-ын 1, 2-р суваг, Баруун уулын суваг, нефть баазын гаргалгаа, 1-р хорооллын арын суваг, Хос гүүрний урд талын далангуудыг цэвэрлэлээ. Баянзүрх, Чингэлтэй дүүргүүдийн цэвэрлэгээ дууссан бөгөөд нийт цэвэрлэгээнд 30.7 сая төгрөг зарцуулсан гэж Улаанбаатар хотын Захирагчийн ажлын алба мэдээллэсэн юм.